土蜜樹和逼迫桶

島上有一種香港常見的原生常綠植物，名為土蜜樹，又叫「逼迫仔」。為甚麼會有這個別名呢？原來以前鄉間的小孩會自製玩具，用土蜜樹的果實做「逼迫桶」的「子彈」來玩遊戲。在生態調查期間，隨隊的村民得知記錄到「逼迫仔」，就馬上提起兒時玩「逼迫桶」！至於「逼迫桶」的玩法是甚麼？上一個研究中，村民曾經分享過：

「有啲好幼細嘅竹枝，有個窿。另外仲有一樣仲細嘅竹枝，就好似我哋食啲蟲咁幼嘅size。咁個細啲嘅竹枝就會透過個窿入個粗嘅竹枝，再加埋啲子彈喺入邊。就可以射個子彈出嚟，聽到啪一聲飛出嚟。咁我哋就叫「噼啪桶」。我哋會用噼啪仔（即逼迫仔）來做子彈嚟射。」（故事詳見：https://www.yttstorytelling.org/storymap#34）

土蜜樹的果實除了可用作娛樂，對雀鳥如紅耳鵯來說也是可口的食物。因為其花期甚長，對野生動物如蝴蝶來說也是重要的蜜源植物呢。